Alonso: Erfitt að skapa færi

Xabi Alonso, leikmaður Real Madrid, segir að það sé alltaf að spila gegn Manchester United þegar síðarnefnda liðið spilar á útivelli.

Liðin skildu jöfn, 1-1, í fyrri viðureign liðanna í 16-liða úrslitum Meistaradeildar Evrópu. Síðari leikurinn fer fram á Old Trafford þann 5. mars næstkomandi.

„Við þurftum að passa okkur vel eftir að þeir komust yfir í leiknum. En þeir voru varkárir líka og eru alltaf mjög þéttir þegar þeir spila á útivelli. Það reyndist okkur erfitt að skapa færi í leiknum," sagði Alonso.

„Við þurfum að spila til sigurs í seinni leiknum og ekki hugsa um að jafntefli muni duga til. Við þurfum að skora mörk á Old Trafford," bætti hann við.

„Þetta snýst um úrslitin en ekki í frammistöðuna og úrslitin hefðu getað verið betri í kvöld."