Selfoss í undanúrslit bikarsins

Selfoss er komið áfram í undanúrslit Símabikarkeppni karla eftir sigur á ÍBV í fjórðungsúrslitunum í kvöld, 27-23.

Bæði lið leika í 1. deildinni en Selfyssingar bætast þar með í hóp Stjörnunnar, ÍR og Akureyrar sem einnig eru komin áfram í undanúrslitin.

Undanúrslita- og úrslitaleikurinn fara fram í Laugardalshöllinni helgina 8.-10. mars.

Staðan í hálfleik í kvöld var 12-11 og var leikurinn í járnum þar til heimamenn náðu undirtökunum í leiknum þegar um stundarfjórðungur var til leiksloka.