Conte: Leikmennirnir heyrðu ekkert í mér

Antonio Conte, þjálfari Juventus, var kátur eftir 3-0 sigur á Celtic í gær í fyrri leik liðanna í sextán liða úrslitum Meistaradeildarinnar. Conte talaði mikið um skosku stuðningsmennina eftir leikinn.

„Ég lék í mörg ár í Meistaradeildinni sem leikmaður og hef sjaldan upplifað aðra eins stemmningu og í þessum leik," sagði Antonio Conte við Football Italia.

„Ég náði engu sambandi við leikmennina mína inn á vellinum því hávaðinn var svo mikill. Í hvert skipti sem að það var horn þá hélt að völlurinn væri að hrynja. Leikmennirnir heyrðu ekkert í mér," sagði Conte.

„Leikmennirnir mínir eiga því mikið hrós skilið fyrir að ná frábærum úrslitum í Glasgow," sagði Conte en Celtic er svo gott sem dottið úr keppni eftir þetta slæma tap á heimavelli.