Inter ætlar að semja við Carew

Norðmaðurinn stóri og stæðilegi, John Carew, gæti verið á leið í ítalska boltann á nýjan leik en hann er nú orðaður við Inter.

Carew er án samnings og er sagður vera á leið í læknisskoðun hjá Mílanóliðinu.

Inter hefur verið að leita að nýjum framherja síðan Diego Milito. Engir menn eru á lausu og hafði Inter verið orðað við Ruud van Nistelrooy sem er búinn að leggja skóna á hilluna. Einnig komu upp nöfn Mido og Emile Mpenza.

Carew er þó maðurinn sem liðið ætlar að veðja á en hann hefur verið án félags síðan í sumar er hann fór frá West Ham.

Carew lék með Roma leiktíðina 2003-04 en þá skoraði hann 7 mörk í 20 leikjum. Framherjinn er orðinn 33 ára gamall og hefur komið víða við.