Baráttan byrjar á föstudag

Karlalið Vals og Stjörnunnar leiða saman hesta sína á föstudagskvöld í fyrsta leiknum í einvígi liðanna um sæti í efstu deild á næstu leiktíð.

Stjarnan vann góðan sigur á Víkingum í þriðja leik liðanna í gærkvöldi um hvort liðið færi í umspilið við Valsmenn. Leikurinn var í beinni textalýsingu hér á Vísi og má sjá umfjöllun og viðtöl má sjá hér og myndir frá leiknum hér fyrir neðan.

Valsmenn höfnuðu í næstneðsta sæti N1-deildar karla í vetur. Ólafur Stefánsson mun þjálfa liðið á næstu leiktíð og mikið undir hjá Valsmönnum að halda sér á meðal þeirra bestu.

Sömuleiðis vilja Stjörnumenn endurnýja kynnin við efstu deild á nýjan leik eftir þriggja ára fjarveru. Vinna þarf tvo leiki til þess að vinna sæti í efstud deild.