Khedira: Þurfum á Ronaldo að halda

Leikmanna Real Madrid bíður risavaxið verkefni á morgun er liðið fær Dortmund í heimsókn í síðari leik liðanna í undanúrslitum Meistaradeildar Evrópu.

Dortmund vann fyrri leik liðanna 4-1 í Þýskalandi og það þarf því ansi mikið að ganga upp hjá Real ef liðið ætlar sér í úrslitaleikinn.

Mikil ábyrgð verður lögð á herðar Portúgalans Cristiano Ronaldo en hann þarf að stíga upp rétt eins og aðrir félagar hans.

"Það vita allir að Cristiano er alltaf tilbúinn í slaginn. Sama hvaða leikur það er. Við þurfum samt sérstaklega mikið á honum og mörkunum hans að halda í þessum leik," sagði miðjumaður liðsins, Sami Khedira.

Ronaldo hefur farið á kostum í Meistaradeildinni í vetur og skorað 12 mörk í 11 leikjum.