Dópaðir Biebermenn í Stokkhólmi

Sænska lögreglan lagði hald á fíkniefni í hljómsveitarrútu unglingastjörnunnar Justin Biebers skömmu áður en hann tróð upp á tónleikum í Stokkhólmi á miðvikudagskvöldið. Lögregluþjónar fundu lykt af marijuana þegar þeir áttu leið hjá mannlausri rútunni sem stóð fyrir utan hótelið þar sem Bieber dvelur. Við leit fannst smáræði af fíkniefnum sem gerð voru upptækt. Bieber sjálfur mun líklega ekki lenda í vandræðum vegna málsins svo virðist sem hann hafi verið fjarri góðu gamni þegar neyslan átti sér stað.