Nets vill klófesta Jackson

ESPN hefur heimildir fyrir því að Brooklyn Nets sé nú á eftir Phil Jackson og vilji fá hann sem þjálfara næsta vetur.

P.J. Carlesimo er að hætta með liðið og samkvæmt heimildum ESPN eru þrír menn á óskalista Nets. Jackson, Larry Brown og Brian Shaw.

Hermt er að Nets sé einnig spennt fyrir Doc Rivers fari svo að hann yfirgefi Boston Celtics.

Jackson er sigursælasti þjálfari í sögu NBA-deildarinnar en hann hefur unnið ellefu NBA-titla. Ef hann vill ekki þjálfa liðið þá ætlar Nets að bjóða honum aðra stöðu sem yfirmaður körfuboltamála.