Ein sú allra besta verður áfram hjá Lyon

Lotta Schelin, ein allra besta knattspyrnukona heims, hefur gert nýjan þriggja ára samning við franska félagið Olympique Lyon en hún hefur spilað með Lyon-liðinu frá 2008 og á um næstu helgi möguleika að vinna Meistaradeildina í þriðja sinn.

Lotta Schelin er 29 ára framherji sem hefur skorað 51 mark í 188 landsleikjum fyrir Svía. Hún skoraði 3 mörk í tveimur sigrum Svía á Íslandi á þessu ári og skoraði einnig þrjú mörk hjá Þóru Björgu Helgadóttir í tveimur leikjum Lyon og LdB Malmö í átta liða úrslitum Meistaradeildarinnar.

„Þetta er frábært. Ég er ánægð og spennt fyrir að halda áfram ævintýri mínu í Lyon," sagði Lotta Schelin við Dagens Nyheter. Schelin er búin að skora 22 mörk í 14 deildarleikjum á þessu tímabili auk þess að skora 7 mörk í 5 leikjum í Meistaradeildinni þar af fjögur þeirra í undanúrslitaleikjunum.

Olympique Lyon í möguleika á því að vinna þrennuna í ár en liðið er orðið franskur meistari og komið í úrslitaleik Meistaradeildarinnar (mæta Wolfsburg 23.maí) og í bikarúrslitaleikinn (mæta Saint-Étienne 9. júní).