Dýrustu leikmenn heims náðu vel saman | Myndir

Það var skemmtileg stund á bílastæði Real Madrid í morgun þegar tveir dýrustu leikmenn knattspyrnusögunnar hittust í fyrsta skipti hjá félaginu.

Cristiano Ronaldo var dýrasti leikmaður heims er Real keypti hann frá Man. Utd. Það met var síðan slegið á dögunum er Real greiddi Tottenham 16 milljarða króna fyrir Gareth Bale.

Það fór vel á með þeim félögum en heimurinn bíður spenntur eftir því að sjá þá spila saman.

Það gerist líklega um næstu helgi er Real Madrid spilar gegn Villarreal.

Bæði Marcelo og Fabio Coentrao meiddust í landsleikjum og því gæti vel farið svo að Bale spili sinn fyrsta leik í bakvarðarstöðu.