Fölsuð iOS 7-auglýsing dregur dilk á eftir sér

Fölsuð auglýsing í nafni Apple hefur náð útbreiðslu á netinu þar sem fullyrt er að með hinu nýútkomna iOS 7-stýrikerfi sé hægt að vatnsverja síma og spjaldtölvur frá Apple.

Átti að vera hægt að slökkva á aflgjafanum með uppfærslunni og þannig verja rafkerfi símans. Auglýsingin er þó uppspuni frá rótum og því að sjálfsögðu ekki frá Apple komin. Hafa þó nokkrir iOS 7-notendur fallið fyrir gabbinu og eyðilagt tæki sín við að dýfa þeim í vatn.

Notendur hafa í kjölfarið varað aðra við að bleyta tækin og vanda hinum óþekktu hrekkjalómum ekki kveðjurnar