Fjölmargar vísbendingar borist

Bresku lögreglunni hefur borist fjölmargar vísbendingar eftir þátt breska ríkissjónvarpsins í gær, Crimewatch, þar sem fjallað var um hvarf Madeleine McCann í Portúgal árið 2007.

Yfir þrjú hundruð símtöl og um hundrað og sjötíu tölvupóstar bárust lögreglunni strax eftir þáttinn.

Í þættinum kom meðal annars fram að Madeleine litla hafi mögulega verið tekin úr rúmi sínu 45 mínútum seinna en portúgalska lögreglan hélt fram í fyrstu.

Þá var einnig birt tölvuteikning af manni sem sást bera ljóshært barn á aldrinum þriggja til fjögurra ára frá sumarhúsi McCann-hjónanna nóttina örlagaríku. 

Hér fyrir neðan má sjá brot úr þættinum sem var sýndur í gær.

Frétt The Guardian.