Myndband af húsi Michael Jordan

Rétt fyrir utan Chicago er hús sem marga íþróttaáhugamenn dreymir um, heimili Michael Jordans sem lék með Chicago Bulls á árunum 1984-1993 og 1995-1998. Jordan vann 6 NBA titla á tíma sínum í Chicago og er af flestum talinn einn besti körfuboltamaður allra tíma.

Nægt er plássið ef fólk vill leggja saman í sjóð fyrir húsinu með níu svefnherbergjum og fimmtán baðherbergjum ásamt því að vera með vínkjallara fyrir 500 flöskur. Ef fólki leiðist er að sjálfsögðu sundlaug, vindlaherbergi og eigin púttgrín.

Rúsínan í pylsuendanum er svo lyftingarsalur og eigin körfuboltavöllur í fullri stærð þar sem Jordan, Pippen og Rodman æfðu oft saman á á gullaldartímum Bulls.