Mótmælendur hafa lokað götum að opinberum stofnunum við Sjálfstæðistorg í Kænugarði í Úkraínu. Þeir hafa einnig komið sér fyrir í ráðhúsi borgarinnar. Frá þessu er sagt á vef BBC.
Mikill fjöldi ríkisstarfsmanna komst ekki til vinnu í dag.
Uppruni mótmælanna er að Viktor Yanukovych, forseti landsins, neitaði að skrifa undir samning um nánari tengsl við Evrópusambandið og er haldið fram að það sé vegna þrýstings frá rússneskum stjórnvöldum.
Stjórnarandstaða og mótmælendur fara fram á að ríkisstjórn landsins segi af sér. Einnig fara mótmælendur fram á að Yulia Tymoshenko, fyrverandi forsætisráðherra Úkraínu, verði sleppt úr fangelsi.
