Sannleikurinn: Útvarpsstjóri bjargast úr rústum RÚV

Páll Magnússon útvarpsstjóri bjargaðist töluvert laskaður úr rústum útvarpshússins í dag. Hann hafði nýverið sagt upp helstu máttarstólpum Ríkisútvarpsins sem varð til þess að bygginginn hrundi.

Hann segir í bréfi sem hann sendi á starfsmenn RÚV eftir atvikið að það sé hans skoðun að byggingin sé bara ekki nægilega traust og því mun hann ekki gegna stöðunni áfram.

Verið er að bjóða Þorgerði Katrínu Gunnarsdóttur, fyrrverandi menntamálaráðherra, starfið í þessum töluðu orðum. Hún gæti byrjað um leið og tökum á Ísland Got Talent lýkur þar sem hún er dómari.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem aðeins er tóm skel eftir seinasta niðurskurð.