Griffin og Paul í stuði hjá Clippers

LA Clippers vann sinn fjórða sigur í röð gegn Philadelphia í nótt. Það hefur ekki gerst síðan árið 1974.

Blake Griffin skoraði 26 stig fyrir Clippers og tók 8 fráköst. Chris Paul var með tvöfalda tvennu að venju. Skoraði 25 stig og gaf 13 stoðsendingar.

Eftir fimm tapleiki í röð í Salt Lake City kom að því að Portland vann leik þar. Liðið sá líka til þess að það tapaði ekki tveimur leikjum í röð í fyrsta skipti í vetur.

LaMarcus Aldridge skoraði 24 stig og Robin Lopez 15 fyrir Portland. Portland skellti Utah líka síðasta föstudag en heimamenn buðu upp á betri slag að þessu sinni en það dugði ekki til.

Úrslit:

Charlotte-Golden State  115-111

Philadelphia-LA Clippers  83-94

Washington-Denver  74-75

Memphis-Orlando  94-85

Utah-Portland  94-105

Sacramento-Dallas  112-97