Pedro með þrennu á níu mínútum

Barcelona komst aftur á topp spænsku úrvalsdeildarinnar í dag er liðið vann magnaðan 2-5 sigur á Getafe.

Barca lenti 2-0 undir eftir aðeins 15 mínútna leik. Pedro tók þá málin í sína hendur. Hann skoraði þrennu á níu mínútum og kom Barcelona yfir fyrir hlé.

Cesc Fabregas lék í fremstu víglínu hjá Barcelona í dag. Hann réttlætti þá ákvörðun með því að skora tvö mörk í síðari hálfleik.

Fabregas gaf einnig eina stoðsendingu rétt eins og Pedro. Þokkalegt dagsverk hjá þeim.

Barcelona er með jafn mörg stig og Atletico Madrid en með betra markahlutfall og því í efsta sæti.