35 þúsund hafa séð Mercury

Alls hafa 35 þúsund manns séð tónleika til heiðurs Freddie Mercury sem hafa verið haldnir hér á landi undanfarin ár. Fram undan eru tvennir tónleikar í Hofi á Akureyri sem verða báðir 5. október.

Miðar seldust fljótt upp á fyrri tónleikana og því var aukatónleikum bætt við.

Á tónleikunum kemur fram einvala lið söngvara, eða Eyþór Ingi, Friðrik Ómar, Matti Matt, Magni og Hulda Björk Garðarsdóttir. Flytja þau alla helstu smelli hins sáluga Mercury úr hljómsveitinni Queen.