Stuð á tónleikum Pálma Gunnars

Pálmi Gunnarsson efndi til tónleika í Eldborgarsal Hörpu á laugardag þar sem hann söng öll sín bestu lög frá löngum ferli sínum, þar á meðal Þorparinn, Ég er á leiðinni og Vegurinn heim.

Þau eru öll á þrefaldri safnplötu sem Pálmi sendi frá sér fyrir skömmu. Á meðal tónleikagesta voru Ómar Ragnarsson, Stefán Hilmarsson úr Sálinni, útvarpsmaðurinn Ólafur Páll Gunnarsson og leikkonan Edda Björg Eyjólfsdóttir og þóttu tónleikarnir heppnast einkar vel.

Mikil eftirspurn var eftir miðum á viðburðinn og því hefur verið ákveðið að halda aukatónleika í Silfurbergi í Hörpu 17. október.