Guðjón Valur og Arnór fara á EM

Guðjón Valur Sigurðsson og Arnór Atlason eru báðir í landsliðshópi Íslands fyrir EM í Danmörku. Ólafur Bjarki Ragnarsson er þó ekki í hópnum vegna meiðsla.

Aron Kristjánsson tilkynnti hópinn á blaðamannafundi í dag en liðið heldur utan til Danmerkur í fyrramálið. Fyrsti leikur Íslands verður gegn Noregi á sunnudag.

Aron tekur sautján leikmenn með sér til Danmerkur og mun því einn leikmaður vera fyrir utan hópinn fyrst um sinn. Aron tilkynnir þann leikmannahóp sem hann mun tefla fram í leiknum gegn Noregi á laugardaginn.

Guðjón Valur og Arnór Atlason fóru ekki með í æfingaferð til Þýskalands um liðna helgi vegna sinna meiðsla en eru á batavegi. Ólafur Bjarki meiddist á nára á mótinu og mun halda áfram endurhæfingu sinni hér á landi. Það er ekki útilokað að hann verði kallaður í hópinn síðar.

Arnór Þór Gunnarsson er heldur ekki í hópnum og er farinn aftur til Þýskalands þar sem hann mun æfa með sínu liði. Hann verður þó til taks ef þörf þykir, sagði Aron á fundinum í dag. Aðrir sem ekki komust í lokahópinn eru Árni Steinn Steinþórsson og Bjarki Már Elísson.

Ísland er einnig í riðli með Spáni og Ungverjalandi en þrjú efstu lið riðilsins komast áfram í milliriðlakeppnina.

Landsliðshópurinn:

Markmenn:

Aron Rafn Eðvarðsson, Guif

Björgvin Páll Gústavsson, Die Bergische Handball Club

Aðrir leikmenn:

Arnór Atlason, St. Raphael

Aron Pálmarsson, Kiel

Ásgeir Örn Hallgrímsson, Paris Handball

Bjarki Már Gunnarsson, Aue

Gunnar Steinn Jónsson, Nantes

Guðjón Valur Sigurðsson, THW Kiel

Kári Kristján Kristjánsson, Bjerringbro-Silkeborg

Ólafur Andrés Guðmundsson, Kristianstadt

Róbert Gunnarsson, Paris Handball

Rúnar Kárason, Hannover-Burgdorf

Snorri Steinn Guðjónsson, GOG

Stefán Rafn Sigurmannsson, Rhein-Neckar Löwen

Sverre Andreas Jakobsson, TV Grosswallstadt

Vignir Svavarsson, TWD Minden

Þórir Ólafsson, KS Vive Targi Kielce