Vinur Schumacher segir hann úr lífs­hættu

Franska lögreglan rannsakar nú upptöku úr myndavél sem þýski ökuþórinn Michael Schumacher hafði fasta við hjálm sinn þegar hann lenti í skíðaslysi í frönsku ölpunum á sunnudaginn var.

Að því er kemur fram á vefsíðu fréttastofu BBC hefur lögreglan einnig rætt við unglingsson Schumacher en hann varð vitni að slysi föður síns. Schumacher, sem átti 45 ára afmæli í gær, liggur enn meðvitundarlaus á spítala í Grenoble í Frakklandi.

Nýjustu fregnir herma að hann sé úr lífshættu en Phillip Streff, vinur ökuþórsins, sagðist í viðtali í gær hafa það eftir lækni Schumachers.