Tveir banvænir sprettir Spánverja - myndir

Íslenska landsliðið varð að sætta sig við annað sætið í B-riðli og að taka bara eitt stig með sér í milliriðilinn eftir fimm marka tap á móti heimsmeisturum Spánverja í kvöld, 28-33, í lokaleik sínum í riðlakeppni Evrópumótsins í handbolta í Danmörku.

Það voru helst tveir frábærir kaflar hjá spænski heimsmeisturunum sem reyndust íslensku strákunum banvænir í þessum leik og þeir komu báðir eftir að íslenska liðið komst þremur mörkum yfir.

Fyrst skoraði spænska liðið fjögur síðustu mörk fyrri hálfleiks og komst yfir í 16-15 fyrir hálfleik og Spánverjarnir breyttu síðan stöðunni úr 22-19 fyrir Ísland í 25-22 fyrir Spán með því að skora sex mörk í röð um miðjan seinni hálfleikinn.

Daníel Rúnarsson, ljósmyndari Vísis og Fréttablaðsins, var í höllinni í Álaborg í kvöld og náði fullt af skemmtilegum myndum sem má sjá bæði hér fyrir ofan og hér fyrir neðan.