Fitnessfólkið elskar nýju réttina hjá Culiacan

Síðustu helgi kynnti veitingahúsið Culiacan, Suðurlandsbraut, tvo nýja Fit-rétti á matseðli sem eru þróaðir í samstarfi við þjálfarann Alexöndru Sif hjá Betri Árangur sem leggur áherslu á að aðstoða konur við að ná sínu besta formi. 

Ásgeir Kristjánsson og Helga Ólafsdóttir.



Mataræðið skiptir máli

,,Eins og flestir vita skiptir mataræðið mestu máli við að koma sér í gott form. Auðvitað eru æfingarnar mikilvægar en ef matarvenjurnar fylgjast ekki að í nýja lífsstílnum þá lætur árangurinn á sér standa," segir Sólveig Guðmundsdóttir eigandi Culiacan sem hefur unnið með ýmsum aðilum  síðustu ár til að bjóða uppá rétti sem eru sérhannaðir fyrir mismunandi hópa eftir þörfum þeirra.

,,Nýju réttirni hjá okkur: Fit-kjúklingasalat og Fit-kjúklingaspjót, eru um 430 kcal, próteinríkir, fitusnauðir og stútfullir af góðri næringu. Sósan sem fylgir er til dæmis aðeins 3% fita."

Alexandra Sif Nikulásdóttir og Ísabel Petra Nikulásdóttir.

Alexandra og þjálfararnir hjá Betri árangri hafa mikla reynslu af líkamsrækt en þeirra mottó er: ,,Hættu í megrun, vertu fit".

Culiacan á Facebook