The Guardian fjallar um tökustaði á Íslandi

Breska blaðið The Guardian stendur fyrir skemmtilegri samantekt á vinsælum kvikmynda- og sjónvarpsstökustöðum á Íslandi í dag. 

Blaðamaðurinn Robert Hull segir frá heimsókn sinni hingað til lands þar sem fyrir augu ber meðal annars Jökulsárlón og Dyrhólaey, en einnig staldrar hann við á veitingastöðum eins og Grillmarkaðnum í Reykjavík og Halldórskaffi í Vík í Mýrdal.

Eins og þekkt er hafa kvikmyndaleikstjórar á borð við Ben Stiller, Cristopher Nolan og Darren Aronofsky tekið upp hluta úr myndum sínum hér á landi síðastliðin ár auk þess sem sjónvarpsþáttaröðin magnaða Game of Thrones styðst við íslenska náttúru að miklu leyti.