Sport

Ólöglegar flíkur í nafni Gunnars Nelson til sölu á netinu

Kjartan Atli Kjartansson skrifar
Gunnar og Haraldur eru staddir í London.
Gunnar og Haraldur eru staddir í London. Vísir/Vilhelm
„Við erum búnir að senda UFC bréf vegna málsins. Við erum ekkert að stressa okkur á þessu, en leggjum áherslu á að þetta er ólöglegt,“ segir Haraldur Dean Nelson, faðir og umboðsmaður Gunnars Nelson bardagakappa. Vefsíða á netinu selur hettupeysur merktar Gunnari án hans samþykkis. Slíkt er lögbrot.

Haraldur segir þá feðga vita af málinu og þeir hafi látið það í hendur UFC, en Gunnar keppir undir merkjum þeirra. „UFC eru mjög harðir í þessu. Við erum frekar linir og erum ekkert að æsa okkur. En menn mega ekki gera svona og við viljum stoppa þetta.“

Sýnir vinsældirnar

Þó svo að þetta sé leiðinlegt mál, þá hlýtur þetta að bera vott um alþjóðlegar vinsældir Gunnars?

„Vissulega. Menn eru farnir að vilja nota nafnið hans. Menn sjá ástæðu til að gera svona því Gunnar hefur staðið sig mjög vel,“ útskýrir Haraldur sem er nú staddur með Gunnari í London, en Gunnar keppir í þriðja sinn undir formerkjum UFC á laugardaginn þar í borg. Slagurinn verður sýndur í beinni útsendingu á Stöð 2 Sport.

Falsaður varningur í nafni Gunnars er þó ekki það eina sem þeir feðgar hafa þurft að glíma við þegar kemur að ólöglegum gjörningum aðdáenda hans. „Það er líka einhver sem þykist vera Gunnar á Instagram. Við höfum einnig haft samband við UFC vegna þess og það mál er líka í skoðun.“

Peysan ljót

Haraldur segir að vandamálið við peysuna ekki eingöngu vera að hún sé ólögleg. „Þessi peysa er líka frekar ljót. Við höfum látið framleiða sérstaka boli merkta Gunnari með samþykki UFC. Þeir eru mjög flottir,“ segir Haraldur.

Hægt er að panta þá boli í gegnum vef Óðinsbúðar.

Í toppformi

En áhyggjur af svona hlutum eru fjarri huga Gunnars, sem undirbýr sig fyrir keppnina á laugardaginn, af kappi. „Gunni er í toppformi. Hann er ótrúlega þakklátur fyrir allan þann stuðning sem hann fær frá íslensku þjóðinni. Það eru allir svakalega vel stemmdir hérna og við hlökkum til laugardagsins,“ segir Haraldur og sendir kveðju til Íslands.

MMA

Tengdar fréttir

Leiðin að búrinu: Gunnar Nelson vs. Omari Akhmedov

Nú er aðeins vika í stærsta bardaga Íslandssögunnar! Gunnar Nelson berst gegn hinum rússneska Omari Akhmedov þann 8. mars í London og er bardaginn í beinni útsendingu á Stöð 2 Sport.

Síðasta æfing Gunnars á Íslandi

Það er heldur betur farið að styttast í bardaga Gunnars Nelson í London. Hann fer fram þann 8. mars næstkomandi.

Gunnar í sínu besta formi

Bardagakappinn Gunnar Nelson verður í eldlínunni laugardaginn 8. mars þegar hann stígur í búrið í sínum þriðja UFC-bardaga. Hann berst við Omari Akhmedov frá Rússlandi í London og bardaginn verður sýndur í beinni útsendingu á Stöð 2 Sport.

Greining á Omari Ahkmedov, andstæðingi Gunnars

Það styttist óðum í stærsta bardaga Íslandssögunnar þegar Gunnar Nelson snýr aftur í búrið og mætir Rússanum ógurlega, Omari Akhmedov, í beinni útsendingu á Stöð 2 Sport. En hver er þessi Akhmedov og hverjir eru helstu styrkleikar og veikleikar hans?

Þjálfari Gunnars Nelson: Enginn stjórnar sjálfum sér betur en Gunnar

Gunnar Nelson er á leiðinni til London þar sem hann mætir Rússanum Omari Akhmedov í UFC-bardaga í í O2 Arena um næstu helgi. Akhmedov hefur ekki tapaða bardaga eins og Gunnar. John Kavanagh, írskur MMA-þjálfari Gunnars, ræddi við Guðjón Guðmundsson í kvöldfréttum Stöðvar tvö.

Gaf 300 aðdáendum eiginhandaáritun

Framundan er þriðji UFC-bardagi Gunnars Nelson en hann berst við Rússann Omari Akhmedov í O2-höllinni í London á laugardaginn.

Greining á styrkleikum og veikleikum Gunnars

Eins og landsmönnum er kunnugt um mætir Gunnar Nelson aftur í búrið næstkomandi laugardag þegar hann berst við hinn rússneska Omari Akhmedov. Bardaginn fer fram í O2 Arena í London og verður í beinni útsendingu á Stöð 2 Sport! En hverjir eru styrkleikar og veikleikar Gunnars?

Mest lesið


Fleiri fréttir

Sjá meira


×

Mest lesið