Fótbolti

Juventus vann á San Siro

Guðmundur Marinó Ingvarsson skrifar
vísir/getty
Juventus skellti AC Milan 2-0 á útivelli í ítölsku A-deildinni í fótbolta í kvöld. Juventus er með 11 stiga forystu á toppi deildarinnar.

Fernando Llorente kom Juventus yfir á 44. mínútu og staðan í hálfleik 1-0.

Carlos Tevez bætti öðru marki við á 68. mínútu og þar við sat þrátt fyrir að Milan ætti mun fleiri marktilraunir í leiknum og væri töluvert meira með boltann.

Juventus er komið í 69 stig í 26 leikjum. Liðið er með ellefu stigum meira en Roma sem á leik til góða. Milan er í 10. sæti með 35 stig.

Ítalski boltinn

Mest lesið


Fleiri fréttir

Sjá meira


×

Mest lesið