Tekur lög í karókí sem hún kannast ekki við

Fyrsti undanúrslitaþátturinn af Ísland Got Talent verður sýndur í opinni dagskrá á Stöð 2 á sunnudagskvöldið. Sjö atriði af ýmsum toga keppa um atkvæði þjóðarinnar til að eiga möguleika á að komast í úrslitaþáttinn og vinna tíu milljónir króna. 

Iðunn Einarsdóttir syngur og spilar á gítar í undanúrslitunum. Við kynntumst henni aðeins betur.

Fullt nafn: Iðunn Einarsdóttir

Aldur: 15 ára

Símanúmer til að kjósa hana í Ísland Got Talent: 900-9506

Af hverju á fólk að kjósa þig?

Ef ég kæmist áfram myndi það hjálpa mér svo að ég gæti orðið tónlistarmaður og auk þess myndi þessi skemmtilega lífsreynsla halda áfram. Ef fólk vill heyra tónlistina mína aftur ætti það að kjósa mig.

Hvaða lag tekurðu í karókí?

Það er mismunandi. Oft tek ég samt lög sem ég kannast nánast ekki neitt við. Það er svo gaman að syngja þau.

Hvaða minning stendur upp úr úr Ísland Got Talent?

Ég kynntist stelpu sem var að keppa á sama kvöldi og ég. Hún heitir Hafdís og hvatti mig rosa mikið. Líka þegar ég fékk að vita að ég kæmist áfram þegar við vorum í Iðnó. Það var frábært