Aron með sex og Kiel aftur eitt á toppnum

Kiel er aftur eitt í efsta sæti þýsku úrvalsdeildarinnar eftir þriggja marka sigur 28-25 á Balingen í dag. Aron Pálmarsson skoraði 6 mörk fyrir lærisveina Alfreðs Gíslasonar og Guðjón Valur Sigurðsson 2.

Staðan í hálfleik var jöfn 14-14 en Balingen byrjaði seinni hálfleikinn betur en Kiel komst yfir þegar stundarfjórðungur var eftir af leiknum.

Leikurinn var í járnum og munaði aðeins einu marki þegar þrjár og hálf mínúta var eftir 26-25 en Balingen tókst ekki að skora meira og Kiel landaði mikilvægum sigri í titilbaráttunni.

Marko Vujin skoraði þrjú síðustu mörk Kiel í leiknum og var markahæstur með 9 mörk. Filip Jicha og Christian Sprenger skoruðu 4 mörk hvor.

Kiel er með tveimur stigum meira en Rhein-Neckar Löwen þegar sjö umferðir eru eftir af deildinni. Balingen er í þriðja neðsta sæti deildarinnar í bullandi fallbaráttun.