Samfylking og Frjálslyndi flokkurinn renna saman í nýjan lista

Nýtt framboð mun bjóða fram í sveitarstjórnarkosningunum í Skagafirði. Nýja framboðið býður fram undir merkjum K-lista og þá er líklegt að fjögur framboð verði í boði fyrir íbúa sveitarfélagsins Skagafjarðar í komandi kosningum. Framboðin eru Framsóknarflokkur, Sjálfstæðisflokkur, Vinstri Græn og nýtt framboð K-lista. Feykir sagði frá því í gær hverjir skipuðu framboðslista K-listans. 

Gréta Sjöfn Guðmundsdóttir, sveitarstjórnarfulltrúi Samfylkingarinnar er oddviti listans. Því er líklegt að Samfylkingin bjóði ekki fram undir sínum eigin merkjum í Skagafirði í kosningunum í maí. Annað sætið skipar síðan annar sveitarstjórnarfulltrúi og fyrrum alþingismaður, Sigurjón Þórðarson. Sigurjón var kosinn í sveitarstjórn fyrir fjórum árum fyrir Frjálslynda flokkinn. Þessir flokkar hafa unnið í minnihluta auk Sjálfstæðisflokks síðustu fjögur ár. Framsóknarflokkur og Vinstri græn mynduðu meirihluta eftir kosningarnar 2010. 

Samfylkingin og listi frjálslyndra og óháðra fengu samanlagt tvo fulltrúa í sveitarstjórn fyrir fjórum árum. Sveitarfélagið Skagafjörður varð til við mikla sameiningu sveitarfélaga í firðinum árið 1998. Stærsti þéttbýliskjarni sveitarfélagsins er Sauðárkrókur en þar búa ríflega 2.500 manns. Sveitarfélagið allt telur um 4.000 íbúa.



Eftirfarandi er framboðslisti K-lista Skagafjarðar:

1. Gréta Sjöfn Guðmundsdóttir, verkefnisstjóri
2. Sigurjón Þórðarson, framkvæmdastjóri
3. Hanna Þrúður Þórðardóttir, frumkvöðull og starfsmaður í liðveislu
4. Ingvar Björn Ingimundarson, nemi
5. Guðni Kristjánsson, ráðgjafi
6. Guðný H Kjartansdóttir, verkakona
7. Gísli Felix Ragnarsson, frístundaleiðbeinandi
8. Þorgerður Eva  Þórhallsdóttir, þjónustufulltrúi
9. Jón G. Jóhannesson, sjómaður
10. Steinar Skarphéðinsson, vélstjóri
11. Helgi Thorarensen, prófessor
12. Benjamín Baldursson, nemi
13. Sigurlaug Rún Brynleifsdóttir, deildarstjóri
14. Þorsteinn T. Broddason, verkefnastjóri
15. Guðrún Helgadóttir , deildarstjóri
16. Leifur Eiríksson, gæðastjóri
17. Pálmi Sighvatsson, bólstrari
18. Ingibjörg Hafstað, bóndi