Parker verður með í úrslitaeinvíginu

Bakvörðurinn Tony Parker verður klár í slaginn þegar San Antonio Spurs tekur á móti Miami Heat í úrslitum NBA annað kvöld. Parker meiddist á ökkla í leik Spurs gegn Oklahoma City Thunder í úrslitum Vesturdeildarinnar en hefur náð sér að fullu.

Leikmennirnir hafa fengið nokkra daga hvíld til þess að undirbúa sig fyrir einvígið og Parker nýtti tímann vel hjá sjúkraþjálfara. Hann er ekki alveg heill heilsu en ætlar hinsvegar að láta á hann reyna.

Liðin mætast í úrslitum annað árið í röð en í fyrra fór Miami með sigur af hólmi í sjö leikja seríu. Litlu mátti muna að San Antonio hefði sigrað einvígið en flautukarfa Cris Bosh í leik sex náði að knýja fram oddaleik sem Miami vann á endanum.

Leikurinn á morgun er að sjálfsögðu í beinni útsendingu á Stöð 2 Sport og hefst útsendingin klukkan 00.30.