Ming verndar hákarla og fíla

Kínverski risinn Yao Ming hefur gert það gott síðan hann lagði skóna á hilluna en hann berst fyrir réttindum dýra.

Ming lék með Houston Rockets í NBA-deildinni en lagði skóna á hilluna frægu árið 2011.

Síðan þá hefur hann verið að berjast fyrir dýrin. Hann byrjaði á því að tala gegn því að landar sínir drykkju hákarlasúpu og samkvæmt Washington Post hefur neysla á súpunni minnkað um 50-70 prósent í landinu síðan.

Nú er hann farinn að vernda fíla og hvetur alla Kínverja að hætta og selja fílabein enda sé stofninn lítill og viðkvæmur.

Ming heillaði alla á sínum tíma með framkomu sinni og hann heldur áfram að skora stig hjá heimsbyggðinni með þessari baráttu sinni.