Nýtt tónlistarmyndband frá Vök

Hljómsveitin Vök hefur nú sent frá sér sitt fyrsta tónlistarmyndband og er það við lagið Tension. En lagið naut mikilla vinsælda í útvarpi þegar að það kom út. Hægt er að sjá myndbandið neðst í fréttinni.

Flestir tónlistaraðdáendur ættu að kannast vel við hljómsveitina en allt frá því að sveitin sigraði Músíktilraunir árið 2013 hefur verið afar mikið að gera hjá þeim. En sama ár kom einmitt fyrsta þröngskífa Vök út og var þar á ferð platan Tension, en myndbandið er einmitt við titillag plötunnar.

En ásamt því að hafa spilað mikið hér á landi þá hefur Vök einnig komið víða fram erlendis og er afar vinsæl á tónlistarhátíðum um alla Evrópu.

Hljómsveitina Vök skipa:

Margrét Rán

Andri Már

Ólafur Alexander