Sonur Kristjáns Ara markahæstur í sigri á Svisslendingum

Íslenska 17 ára landsliðið í handbolta vann þriggja marka sigur á Sviss, 28-25, í hörkuleik í æfingamóti í Frakklandi í kvöld.

Gísli Þorgeir Kristjánsson var besti maður Íslands í leiknum en hann var markahæstur í íslenska liðinu með átta mörk. Hann er sonur Kristjáns Arason sem er einn af þremur leikmönnum sem hafa skorað þúsund mörk fyrir íslenska A-landsliðið.

Íslenska liðið tapaði með níu marka mun í fyrsta leiknum á móti Frökkum en mætir síðan Ungverjum í lokaleiknum á morgun.

Kristján Arason þjálfar liðið ásamt Konráði Olavssyni.

Ísland - Sviss 28-25 (12-14)

Mörk Íslands í leiknum:

Gísli Þorgeir Kristjánsson (FH) 8 mörk

Pétur Árni Hauksson (Stjarnan) 7

Arnar Freyr Guðmundsson (ÍR) 5

Kristófer Sigurðsson (HK) 4

Sveinn Jóhannsson (Fjölnir) 2

Jóhann Kaldal (Grótta) 1

Sigmar Pálsson (Þór) 1