Fyrsti sigur Mancini með Inter

Það hefur ekki gengið sérstaklega vel hjá ítalska liðinu Inter síðan Roberto Mancini byrjaði að þjálfa liðið á nýjan leik.

Það gekk reyndar ekkert vel áður en hann kom inn sem var einmitt ástæðan fyrir því að hann fékk starfið.

Eftir þrjá leiki í röð án sigurs kom fyrsti sigurinn loksins í gær er Inter vann 0-2 sigur á Chievo sem lék manni færra í tæpan hálftíma. Mateo Kovacic og Andrea Ranocchia skoruðu mörkin.

Stjörnubanarnir í Inter eru í 11. sæti ítölsku úrvalsdeildarinnar, einum 16 stigum á eftir toppliði Juventus.