Stal trukki fullum af LeBron-skóm

Snemma í nóvember misnotaði Charles Jennings aðstöðu sína hjá flutningafyrirtækinu sem hann starfaði hjá. Hann stal trukki sem var fullur af nýju LeBron-skónum.

Jennings komst undan með skóna en var gripinn viku síðar. Þá vantaði 700 pör af skóm í bílinn.

Verðmæti varningsins er um 187 milljónir króna. Skórnir voru ekki komnir á markað er Jennings stal trukknum og hann gat því selt skóna dýru verði.

Heildsalar hafa verið að selja skóna á rúmar 10 þúsund krónur en þeir fást síðan á 25 þúsund krónur út í búð.

Jennings er búinn að játa brot sitt.