Tevez mun ekki framlengja við Juventus

Carlos Tevez, framherji Juventus á Ítalíu, segir að hann muni ekki framlengja samning sinn við liðið eftir að samningur hans rennur út sumarið 2016.

Argentínumaðurinn hefur verið heitur á tímabilinu og er þessa stundina markahæsti leikmaður deildarinnar.

„Ég mun virða samning minn til 2016. Það er planið mitt," sagði Tevez við blaðamenn á Buenos Aires flugvellinum.

„Mig langar ekki að framlengja eins og staðan er núna," framherjinn og aðspurður hvort hann væri á heimleið eftir samninginn við Juventus svaraði Tevez:

„Það er erfitt að segja núna. Ég er að spila á háu stigi svo það er mikilvægt að njóta þess."