Mojito-bollakökur - UPPSKRIFT

Hvernig væri að prófa að breyta vinsælum kokteil í bollakökur í sumar? Þessar kökur eru afar ljúffengar og hægt að hafa þær áfengar eða óáfengar.

Mojito-múffur

* Um það bil 12 stykki

Kökurnar

1 1/2 bolli hveiti

1/2 msk lyftiduft

1/4 tsk salt

115 g mjúkt smjör

1 bolli sykur

2 egg

2 súraldin, börkur rifinn af og safi kreistur úr

1/4 tsk vanilludropar

1/2 bolli mjólk - eða 1/4 bolli mjólk og 1/4 bolli ljóst romm

1 msk fersk minta, söxuð

Mintusíróp

1/2 bolli vatn - eða 1/4 bolli vatn og 1/4 bolli ljóst romm

1/2 bolli sykur

1/4 bolli mintulauf

Krem

115 g mjúkt smjör

1 súraldin, börkur rifinn af og safi kreistur úr

7 söxuð mintulauf

2-3 bollar flórsykur

1 msk rjómi

Hitið ofninn í 160°C. Blandið hveiti, lyftidufti og salti saman í skál. Blandið smjöri og sykri saman í annarri skál. Bætið eggjunum við, einu í einu. Bætið safa og berki af súraldinunum, mintu og vanilludropum saman við. Bætið þurrefnablöndunni og mjólk (og jafnvel rommi) saman við smjörblönduna. Hellið blöndunni í múffuform og bakið í 20-24 mínútur. Búið til mintusírópið á meðan þær kólna.

Blandið öllum hráefnum í sírópinu saman í potti yfir vægum hita þangað til sykurinn er búinn að leysast upp. Penslið kökurnar með sírópinu. Búið svo til kremið.

Setjið mintu og börk í litla skál. Hellið súraldinsafanum yfir blönduna. Hrærið smjörið létt í annarri skál og bætið svo mintublöndunni saman við. Blandið rjómanum saman við og síðan flórsykri þangað til kremið er orðið eins þykkt og þið viljið. Setjið kremið á kökurnar og njótið.

* Fengið hér.