Meistararnir fylgja Real og Barcelona

Antonie Griezmann skoraði tvö mörk í 3-1 sigri Atletico Madrid á Levante í fyrsta leik ársins í spænska boltanum.

Griezmann skoraði fyrsta markið eftir átján mínútur og bættu svo við öðru marki þegar síðari hálfleikur var tveggja mínútna gamall.

Nabil El Zhar, fyrrum leikmaður Liverpool, minnkaði muninn fyrir Levante, en varnarmaðurinn öflugi Diego Godin skoraði þriðja mark Atletico Madrid átta mínútum fyrir leikslok.

Atletico jafnaði því Barcelona að stigum í öðru til þriðja sæti, en Barcelona á leik til góða. Levante er í bullandi vandræðum og er í fimmtánda sæti deildarinnar.