Þórunn nýr þingflokksformaður

Þórunn Egilsdóttir alþingismaður er nýr þingflokksformaður þingflokks Framsóknarmanna. Þetta var ákveðið á fundi þingflokksins í dag. Aðrir í stjórn þingflokksins eru Ásmundur Einar Daðason, varaformaður og Willum Þór Þórsson meðstjórnandi. Um tímabundna skipun er að ræða en Ásmundur Einar mun svo taka við formennsku í sumar.

Vigdís Hauksdóttir tekur sæti Sigrúnar Magnúsdóttir í stjórnskipunar-og eftirlitsnefnd. Sigrún tók sem kunnugt er við embætti umhverfis- og auðlindaráðherra um áramótin. Elsa Lára Arnardóttir tekur sæti Þórunnar Egildsdóttur í velferðarnefnd.

Þórunn er fædd í Reykjavík 23. nóvember 1964. Hún lauk stúdentsprófi frá Verslunarskóla Íslands 1984 og B.Ed.-próf Kennara Háskóla Íslands 1999. Þórunn hefur verið Sauðfjárbóndi síðan 1986.

Hún starfði sem grunnskólakennari frá 1999-2008, var skólastjórnandi 2005-2008, vann sem verkefnastjóri hjá Þekkingarneti Austurlands, nú Austurbrú, 2008-2013. Þá sat hún í sveitarstjórn Vopnafjarðarhrepps 2010-2014 og var oddviti á árunum 2010-2013.

Þórunn sat í stjórn Sambands sveitarfélaga á Austurlandi 2010-2014 og var í sveitarstjórnarráði Framsóknarflokksins 2010-2014. Þá hefur hún setið í miðstjórn Framsóknarflokksins síðan 2010. Hún hefur verið í ráðgjafarnefnd Jöfnunarsjóðs sveitarfélaga síðan 2011 og í hreindýraráði síðan 2011.

Þórunn hefur verið alþingismaður frá 2013 fyrir Norðausturkjördæmi.