Segjast ætla binda enda á „niðurlægingu“ Grikklands

Þrír dagar eru nú þar til Grikkir ganga að kjörborðinu og kjósa nýtt þing. Vinstriflokkurinn Syriza mælist nú stærstur í skoðanakönnunum og segir leiðtogi flokksins að styttist í lok „niðurlægingar“ landsins.

Alexis Tsipras hefur biðlað til þjóðarinnar að veita flokknum skýrt umboð til að hann geti bundið enda á öllum þeim aðhaldsaðgerðum sem landið hefur þurft að gangast undir. BBC greinir frá.

Tsipras hefur heitið því að alþjóðlegar skulir landsins verði minnkaðar um helming þegar núgildandi lánasamningar renna út. Á mánudaginn, daginn eftir kosningar, muni landið hætta að taka við skipunum að utan.

Grikkir hafa þurft að þola mikinn niðurskurð í kjölfari efnahagskreppunnar og mælist atvinnuleysi um 25 prósent.

Markaðir fylgjast grannt með kosningunum og óttast margir að sigur Syriza muni leiða til greiðslufalls ríkisins og að landið yfirgefi evrusvæðið.