Veðurtepptar í Köben á leið til Færeyja

Íslenska sautján ára landslið kvenna gengur ekki vel að komast til Færeyja þar sem liðið á að spila í undankeppni EM um helgina.

Það er ófært frá Danmörku til Færeyja og því þarf íslenski hópurinn að gista í Kaupmannahöfn en íslenska liðið þurfti að fljúga í gegnum Köben á leið sinni til Þórshafnar.

Íslenska liðið er í riðli með Rússlandi, Tékklandi og Færeyjum en fyrsti leikur liðsins er á móti heimastúlkum á morgun.

Íslenska liðið mun reyna að komast til Færeyja á morgun en leikur liðsins er settur á klukkan sjö um kvöldið. Liðið mætir Rússum á laugardaginn og Tékkum á sunnudaginn.

Færeyjar eru að senda yngri landslið kvenna til keppni í fyrsta sinn síðan 2001.

Tvær efstu þjóðirnar í riðlinum komast í úrslitakeppnina sem fer fram í Makedóníu 13. til 23. ágúst 2015.

Íslenski hópurinn er þannig skipaður:

Alexandra Diljá Birkisdóttir Valur

Andrea Jacobsen Fjölnir

Ásta Björt Júlíusdóttir ÍBV

Ástríður Glódís Gísladóttir Fylkir

Berglind Benediktsdóttir Fjölnir

Elín Helga Lárusdóttir Grótta

Elísabet Mjöll Guðjónsdóttir Fram

Elva Arinbjarnar HK

Eyrún Ósk Hjartardóttir Fylkir

Helena Ósk Kristjánsdóttir Fjölnir

Karen Tinna Demian ÍR

Kristín Arndís Ólafsdóttir Valur

Lovísa Thompson Grótta

Mariam Eradze AS Cannes

Ragnhildur Edda Þórðardóttir HK

Sandra Erlingsdóttir Hypo NÖ

Selma Jóhannsdóttir Grótta

Sunna Guðrún Pétursdóttir KA/Þór

Þóra Guðný Arnarsdóttir ÍBV

Þórunn Sigurbjörnsdóttir KA/Þór

Þjálfarar eru Halldór Stefán Haraldsson og Jón Gunnlaugur Viggósson.