Chris Paul átti stórleik í sigri á OKC | Myndbönd

Oklahoma City Thunder féll úr áttunda sæti sæti vesturdeildar NBA í nótt þegar liðið tapaði á heimavelli fyrir Los Angeles Clippers 120-108.

Liðið er nú hálfum leik á eftir New Orleans Pelicans í baráttunni um síðasta sætið í úrslitakeppninni, en ljóst er að erfitt verður fyrir liðið að komast í úrslitakeppnina á meðan Kevin Durant er meiddur.

Russell Westbrook hefur verið óstöðvandi að undanförnu og hann átti góðan leik í nótt, en það var leikstjórnandi Clippers, Chris Paul, sem stal senunni.

Paul skoraði 33 stig og gaf 9 stoðsendingar og þá var DeAndre Jordan frábær undir körfunni með 18 stig og 17 fráköst. J.J. Redick skoraði 25 stig og tók 7 fráköst.

Westbrook skoraði 24 stig fyrir OKC, tók 9 fráköst og gaf 7 stoðsendingar, en Anthony Morrow kom inn af bekknum og var stigahæstur liðsins með 26 stig.

Chris Paul fer á kostum:

Golden State vann Detroit Pistons, 105-98, á heimavelli sínum í nótt og er nú búið að vinna 51 leik í deildinni. Það er búið að vinna jafnmarga leiki og liðið gerði í fyrra þegar enn eru 19 leikir eftir.

Klay Thompson var stigahæstur toppliðsins í gær með 27 stig, en honum tókst í leiknum að skora 5.000 stigið sitt í NBA-deildinni.

Stephen Curry leyfði Thompson að sjá um Detroit í gær en Curry var rólegur með 9 stig og 11 stoðsendingar. Andre Drummond skoraði mest fyrir gestina eða 22 stig.

Curry finnur Barbosa með sendingu aftur fyrir bak:

Toppliðið í austrinu, Atlanta Hawks, tapaði aftur á móti í nótt á útivelli gegn Denver Nuggets, 115-102. Þetta er áttundi heimasigur Denver í röð gegn Atlanta.

Danilo Gallinari skoraði 23 stig fyrir heimamenn í Denver og Will Barton 16 stig en þriggja stiga skyttan Kyle Korver skoraði mest fyrir gestina eða 18 stig. Hann hitti úr fimm af sjö þriggja stiga skotum sínum.

Þá komst Portland Trail Blazer upp fyrir Houston Rockets í þriðja sæti vesturins með fimm stiga heimasigri í baráttu liðanna við Kyrrahafið í nótt, 105-100.

LaMarcus Aldridge átti stórleik fyrir heimamenn og skoraði 26 stig auk þess sem hann tók 14 fráköst og þá var Robin Lopez einnig öflugur undir körfunni ásamt Aldridge með 16 stig og 10 fráköst.

Úrslit næturinnar:

Charlotte Hornets - Sacramento Kings 106-113

Philadelphia 76ers - Chicago Bulls 95-104

Boston Celtics - Memphis Grizzlies 95-92

Miami Heat - Brooklyn Nets 104-98

Milwaukee Bucks - Orlando Magic 97-91

Oklahoma City Thunder - LA Clippers 108-120

Denver Nuggets - Atlanta Hawks 115-102

Phoenix Suns - Minnesota Timberwolves 106-97

Golden State Warriors - Detroit Pistons 105-98

Portland Trail Blazers - Houston Rockets 105-100

Staðan í deildinni.

Josh Smith setur Chris Kaman á veggspjald: Mike Dunleavy skorar flautukörfu í þriðja leikluta: