400. mark Messi í sigri Barcelona

Luis Suarez og Lionel Messi voru á skotskónum fyrir Barcelona í 2-0 sigri liðsins á Valencia í hörkuleik í spænsku knattspyrnunni í dag.

Fyrsta markið kom einungis eftir 54 sekúndur. Það gerði Úrúgvæinn Luis Suarez eftir samspil við Lionel Messi.

Valencia pressaði Börsunga vel og Daniel Parejo klikkaði meðal annars vítaspyrnu fyrir Valencia í fyrri hálfleik.

Lionel Messi bætti svo við öðru marki Barcelona í uppbótartíma og lokatölur 2-0. Þetta var 400. mark Messi.

Barcelona er með fimm stiga forystu á Real Madrid, en Real leikur við Malaga síðar í dag og getur saxað á forskot Börsunga.