Hrafnhildur tryggði Selfossi sætan sigur

Selfoss vann dramatískan sigur í Suðurlandsslagnum á meðan Þór/KA vann auðveldan sigur á Þrótti í Pepsi-deild kvenna.

Það var hin 18 ára gamla Hrafnhildur Hauksdóttir sem tryggði Selfossi sigur gegn ÍBV á 90. mínútu leiksins. Sigur í fyrsta leik Dagnýjar Brynjarsdóttur með Selfossi en hún komst þó ekki á blað.

Selfoss komið á blað í deildinni eftir að hafa tapað fyrsta leik sínum. ÍBV gerði jafntefli í fyrstu umferð og er því áfram með eitt stig.

Þór/KA er með fjögur stig eftir sigurinn á Þrótti sem er án stiga og ekki búinn að skora í fyrstu leikjum sínum í deildinni.

Úrslit:

Selfoss-ÍBV  3-2

Guðmunda Brynja Óladóttir 2, Hrafnhildur Hauksdóttir - Sigríður Lára Garðarsdóttir, Cloe Lacasse.

Þróttur-Þór/KA  0-3

- Lára Einarsdóttir, Sandra María Jessen, Klara Lindberg.

Upplýsingar um markaskorara: urslit.net.