Ristað brauð með Nutella uppáhalds morgunmatur Maríu í Vín

María Ólafs, keppandi Íslands í Eurovision í ár, er hæstánægð með hótelið sem íslenski hópurinn dvelur á. Davið Lúther, maður Vísis í Vín, hitti Maríu á hótelinu í morgun.

Hún sýndi honum morgunmatinn sinn en hún segir að hennar uppáhalds morgunverður sé ristað brauð með Nutella. Að auki fær hún stundum ommulettu sem Valli Sport eða Valgeir Magnússon, umboðsmaður hópsins, lætur útbúa fyrir hana.

Sjá einnig:Felix pissaði við hlið Herra Bretlands og Tékklands

María lenti í sérstakri upplifun þegar maður sem var að nudda hana á hótelinu bar um að fá „selfie“ með henni. „Það var mjög spes að liggja á bekknum eitthvað,“ sagði María hlæjandi. Maðurinn fékk myndina að nuddinu loknu. „Þegar ég var búin að klæða mig,“ sagði hún um þetta eftirminnilega atvik.

Opnunarhátíð Eurovision fór fram í gær en eins og kemur fram í viðtalinu var María send fremur snemma heim. Davíð spyr hana út í ástæður þess og fær hana til að segja frá hótelinu í viðtalinu hér að neðan.