Frumsýnt á Vísi: Drykkfeldi maðurinn heimsóttur á ný

Mosi Musik frumsýnir í dag myndband sitt við lagið I Am You Are Me en í laginu rappar Krúz með sveitinni. Lagið er af fyrstu plötu sveitarinnar sem kom út í lok apríl.

Tónlist sveitarinnar er blanda af poppi og elektró með dassi af hip hopi og diskó. Síðan sveitin var stofnuð árið 2013 hefur hún meðal annars komið fram á Innipúkanum, Einni með öllu og Secret Solstice.

Lagið er önnur smáskífa sveitarinnar en sú fyrri, Set it free, fékk fínar viðtökur. Glöggir lesendur kannast mögulega við karakterana í nýja myndbandinu úr því gamla. Hægt er að hlusta á plötu sveitarinnar inn á heimasíðu hennar og öllum betri tónlistarveitum á borð við Spotify og Tidal. Platan er væntanleg á geisladisk í sumar.

Jón Teitur Sigmundsson og Hollendingurinn Joost Horrevorst leikstýra myndbandinu en það er framleitt af Nágranna.