Stefán Rafn skoraði tvö í öruggum sigri Löwen gegn Berlín

Stefán Rafn Sigurmannsson skoraði tvö mörk í stórsigri Rhein-Neckar Löwen, 34-21, gegn Degi Sigurðssyni og lærisveinum hans í Füchse Berlín í kvöld.

Alexander Petersson var ekki með ljónunum í kvöld sem voru betri frá upphafi til enda og innbyrtu öruggan og sanngjarnan sigur.

Löwen er nú tveimur stigum á eftir Kiel í baráttunni um Þýskalandsmeistaratitilinn. Kiel er með 61 stig og Ljónin 59 stig.

Harald Reinkind var markahæstur hjá Löwen með sjö mörk, en hann er varamaður Alexanders Peterssonar.