Djokovic og Murray unnu örugga sigra

Novak Djokovic og Andy Murray eru báðir komnir áfram í 4. umferð á Opna franska meistaramótinu í tennis sem nú stendur yfir.

Andy Murray vann Ástralann Nick Kyrgios nokkuð þægilega í þremur settum, 6-4, 6-2 og 6-3. Novak Djokovic bar hins vegar sigurorð á Ástralanaum Thanasi Kokkinakis sömuleiðis í þremur settum sem öll enduðu 6-4.

Í gær tryggði Roger Federer sér sæti í 4. umferð með sigri á Dzumhur frá Bosníu. Federer mætir Frakkanum Gael Monfils í 4. umferð. Síðar í dag leikur Rafael Nadal gegn Andrey Kuznetsov frá Rússlandi.