Max von Sydow til liðs við Game of Thrones

Sænski stórleikarinn Max von Sydow hefur nú bæst í hóp leikara við upptökur á sjöttu þáttaröð Game of Thrones.

Entertainment Weekly greinir frá því að von Sydow fari með hlutverk Three-Eyed Raven sem Bran Stark hitti í lok fjórðu þáttaráðarinnar. Annar leikari fór með hlutverkið þá.

Hinn 86 ára von Sydow hefur áður tekið að sér hlutverk í vinsælum þáttum og kvikmyndum í Bandaríkjunum, þar á meðal The Exorcist og Minority Report en hann fer einnig með hlutverk í næstu Star Wars mynd sem frumsýnd verður síðar í ár.