Fulltrúar Pepsi-deildarinnar gegn Hollandi báðir Blikar

Aðeins tveir leikmenn í landsliðshópi karla í knattspyrnu fyrir leikina gegn Hollandi og Kasakstan í undankeppni EM 2016 spila í Pepsi-deildinni, efstu deild hér á landi. Aðrir eru atvinnumenn úti í löndum.

Umræddir leikmenn eru markvörðurinn Gunnleifur Gunnleifsson og vinstri bakvörðurinn Kristinn Jónsson. Breiðablik á leik á sunnudaginn gegn Leikni en Kópavogsliðið reynir hvað það getur til að halda í við FH í baráttunni um Íslandsmeistaratitilinn.

Gunnleifur hefur leikið 26 landsleiki fyrir Íslands hönd og Kristinn fjóra.